За радикалниот чекор во однос на нашиов е-магазин. Прво го сменивме насловот. Откако го актуелизиравме кликерството и кај нас (во странство овде-онде можеше и пред нас да се сретне актуелизирано), и тоа во насловот на магазинов, како по обичај, се јавија и други кои си го "позајмија" без пардон (како и многу други нешта од нас), па дури и печатен медиум мошне инвентивно си крстија исто како нашиов. А прибидејќи во идеите отсекогаш сме биле и сме "дебели" (ако во се друго сме "тенки" во однос на нив), сакам да речам нови идеи никогаш не ни фалеле, решивме да не се расправаме со "позајмувачите" и да си го "докрстиме" нашиов магазин.

од уредничкото перо >> | читај повеќе |

 

И како што можете да се уверите, а допрва ќе се уверувате уште повеќе, направивме радикален чекор пред се во правец на поголемо доближување до вас, а особено до успешните фирми-компании (колку се, толку се, за нас токму се) за конечно да почнат да не есапат и нас-тотално независните, а не само "нивните" (да не есапат со некое рекламче-банерче, а нема воопшто да бидеме против и некое спонзорство). Претпоставувам дека ви е позната изреката: "Гладниот на ситиот не му верува", па според тоа за да им веруваме на нивната успешност, деловност, ефикасност, перспектива, чесно владение и дејание...

Туку, што ми беше муабетот?...

А, да, за радикалниот чекор во однос на нашиов е-магазин.

Прво го сменивме насловот. Откако го актуелизиравме кликерството и кај нас (во странство овде-онде можеше и пред нас да се сретне актуелизирано), и тоа во насловот на магазинов, како по обичај, се јавија и други кои си го "позајмија" без пардон (како и многу други нешта од нас), па дури и печатен медиум мошне инвентивно си крстија исто како нашиов. А прибидејќи во идеите отсекогаш сме биле и сме "дебели" (ако во се друго сме "тенки" во однос на нив), сакам да речам нови идеи никогаш не ни фалеле, решивме да не се расправаме со "позајмувачите" и да си го "докрстиме" нашиов магазин.

Бидете сигурни дека никаде во светот нема магазин или што било друго со наслов "Кликер маг". Се разбира, не можеме да гарантираме дека по нас пак нема да се најде некој "позајмувач", ама во овој момент нема. Треба објаснение? За "кликер" знам дека не треба-тоа е секој оној што клика кога ќе му текне, а за "маг"- тоа ви е исто ако сте маг во која било област или, на пример, во вашиот бизнис: волшебник, гледач (обично во иднината). А во овој наш миг на севкупна деградација.. треба да се биде ептен маг. Тоа ќе рече дека сите вие, заедно со нас, во ова наше подразвиено (во првобитна-примитивна фаза) информатичко општество, сте магови ако сте, прво, вклучени во мрежата на Интернет (се мисли најнапред на "евтинијата", а после на се друго), а второ, ако не можете без секојдневно кликерисување.

Е, ова последново: за да можете, меѓу другото, секој ден да кликерисувате и на нашиов е-магазин, решивме напоредно да поставиме и секојдевно развиваме (ажурираме) и веб страница односно веб-магазин, како "проширен дел" од e-mail-сково издание.. Има исти и слични? А кој вели дека ќе го направиме исто или слично?

Туку, да не заборавам...

А, да, муабетов ми беше за блоговите и блогерите. Ај, другпат подетално ќе ги третирам, а сега само ќе ви препорачам еден од многубројните мошне интересни блогови: homopoliticus.blog.com.mk. Може да ве поттикне конечно и политички да се ангажирате, за и натаму да не останете аполитични.

НЕКА НИ Е ГОСПОД НА ПОМОШ СО ОНИЕ КОИ СЕ ПЛАШАТ ОД КЛИКЕРИТЕ, А ОСОБЕНО ОД КЛИКЕР-МАГОВИТЕ, ПА СО СИТЕ СИЛИ СЕ ТРУДАТ ДА НЕ ИМ СЕ ПИКНЕ НЕКОЈ ВО НИВНИТЕ РЕДОВИ.

Секогаш ваш и само ваш слободоумен рамковен „клик“-ер.

 

Вљубените работат подобро

Дали некогаш сте се вљубиле во колега или колешка од работа? Ако сте, сигурно не сте единствени и се чини дека вљубени погледи преку канцелариските маси ќе има уште повеќе, затоа што на работодавците им е препорачано да ги толерираат љубовните врски на работа, наместо да ги забрануваат.
(Од нашата хеморотека: "Би-Би-Си-"-Лондон)

Се проценува дека ширум Европа барем една од четири личности почнала љубовна врска на работа. За повеќето работодавци вљубените двојки на работни места воопшто не се пожелни. Дури некои компании забрануваат романтични врски на работа, особено во Соединетите Држави, вели новинарот од економската редакција на Би-Би-Си, Метју Дејвис.

Таму можете да бидете принудени да потпишете таканаречен љубовен договор, кога ќе добиете нова работа. Тој договор ви забранува почнување на љубовна врска на работа, а ако го прекршите работодавачот има право да ве отпушти.

Затоа и не чуди што дури 73% од луѓето кои почнале љубовна врска на работа сакаат тоа да го задржат во тајност.

Љубов и профит

Компаниите многу често немаат разбирање за такви деликатни околности и многумина директори веруваат дека љубовта само го одвраќа вниманието од работата и ја намалува продуктивноста, додава Дејвис: Продуктивноста во Америка е многу важен збор. Компаниите сметаат дека, доколку љубовната двојка од канцеларија ја раскине врската, тоа може да доведе до намалување на продуктивноста и, со самото тоа, намалување на профитот.

Меѓутоа, психолозите веруваат дека таквиот став е погрешен.

Британски експерти направија истражување за тоа прашање и заклучија дека деловните фирми би требало да бидат поотворени, поопуштени и повнимателни кон своите вљубени работници.

Со истражувањето раководеше Шантел Готие, професор по психологија на Универзитетот Вестминстер во Лондон. Таа вели дека нема смисла да се спречува нешто што е и онака неизбежно.

Резултатите од истражувањето покажаа дека за време на врската продуктивноста всушност останува иста или дури и се зголемува, затоа што вљубените луѓе се чувствуваат многу позитивно. Проблемот настанува кога врската ќе се раскине - тогаш продуктивноста главно опаѓа.

Професорот Шантел Готие верува дека би имало многу помалку проблеми кога компаниите би имале појасен и поотворен однос кон врските на работа:

Со оглед на тоа што е тоа една многу неодредена, сива зона, организациите избегнуваат да одредат јасна политика кон оваа појава и јасно да кажат што сакаат, а што не сакаат.

Затоа на многу компании, особено во Соединетите Држави, им е поедноставно романтичните врски во канцелариите да ги забранат но, додава Шантел Готие, прашање е дали компаниите воопшто имаат такво право.

Кон овој прилог уште едно "откритие":

Речиси две третини од вработените Британци имаат љубовни афери со колега или колешка од работа, покажаа резултатите од анкетата што ја спроведе консултантската фирма за закон за работа и човечки ресурси "Хјуман енд лигал рисорсис".

Според резултатите, љубовта ја намалува продуктивноста, имајќи предвид дека половина од Британците кои се во врска со колега односно колешка признаваат дека работата трпи поради нивната романса. Дури 30% од нив изјавиле дека "уживале во физичката интимност" на работното место, наведувајќи ги лифтот и скалите како најсоодветни места за тоа.

Здравствените работници се најмалку наклонети кон љубовни афери на работа, додека вработените во индустријата за забава и туризам најчесто стапуваат во такви врски - дури 80% од нив признале дека имаат љубовна врска на работните места.

Анкетата е спроведена на примерок од 1.072-ца вработени Британци.

 
>> | на почеток |

Од историјата на живите религии: Кама сутра

Буквално значи "афоризми за телесната љубов". Станува збор за жанр од дидактичката книжевност кој дава совети за еротското водење на љубов.

Кама ("задоволство, полова љубов") претставува една од четирите основни цели во концептот на хиндуистичкото сфаќање на смислата на животот, па, според тоа, била тема на многу книжевни и дидактички дела во стара и средновековна Индија. Далеку најпознато дело за таа тема е Кама сутра што ја напишал мудрецот Ватсјајана, веројатно на почетокот од 4-от век од нашата ера, во северна Индија. Во своето дело тој наведува и цитира поголем број на поранешни автори кои пишувале за истата тема, но чии дела се изгубени. Освен неколку коментари на Кама сутра, најважните подоцна сочувани книги за еротиката се Рати-Рахасја ("Тајните на страста"), на писателот Кокола од 17-от век ,и Ананга-Ранга ("Театар на Ананга, богот на љубовта"), на писателот Калјанамала (15-ти век). Постојат и голем број на прирачници за еротиката на санскрит и говорните јазици на Индија, кои не се на толку високо ниво.

Кама сутра на Ватсјајана ја открива наколнетоста на индиската техничка литература кон мошне прецизна и префинета класификација. Така на пример, авторот наведува 64 женски вештини, 24 видови на мажи кои имаат успех кај жените, 28 начини со помош на кои жената може да се ослободи од љубовникот, 16 начини на љубење, бројни пози за сексуален однос, како и нивни многубројни варијанти. Се расправа за вредноста на љубовните караници, за каснувањата и за означувањето на партнеровото тело со помош на нокти. До детали се опишани карактеристиките на жените од различни делови на Индија. Дадени се совети за тоа како да се освои и задржи жената, за уметноста на заведувањето и користењето на посредници, за употребата на амајлии и афродизијаци итн.

 

>> | на почеток |

Грчката црква почна програма за поддршка на бракот и семејството

Грчката православна црква ќе отвори Институт за брак и програма за обука на идни младенци, а Светиот синод објави дека ќе почне специјални мерки за поддршка на бракот и семејството, објави грчката веб страница "Ин њуз".

Целта на Институтот за брак е да прерасне во научен орган за истражување на црковни прашања поврзани со бракот и семејството. Истовремено, во 80 митрополии на Грција ќе почнат да работат програми за обука на идните младенци, каде што свештениците ќе ги канат идните семејни двојки за да ги информираат дека бракот е заедница што треба да се почитува. Весникот "Вима" пишува дека грчката црква одлучила да почне план за отворање на биро за предбрачно советување во сите митрополии. Грчката црква се обидува да преземе мерки против демографскиот пад, но постигна резултати само во Тракија, каде што одобрува месечни дотации на семејства со 3 деца.

 

>> | на почеток |

Лекување на депресија со "Омега-3"

Болничкиот центар во Монтреал соопшти дека ќе спроведе истражување за депресијата и нејзиното лекување со додавање на рибино масло "омега-3".

Во тоа досега најголемо истражување за алтернативните начини на лекување на депресијата, како што најавија од Центарот, ќе учествуваат 508-мина мажи и жени заболени од тешки облици на депресија.

Еден број на испитаници во текот на 2 месеца ќе добиваат 3 капсули дневно "омега-3", а останатите плацебо направено од сончогледово масло.

Истражувањето треба да овозможи конечно да се утврди дали "омега-3" дејствува во лекувањето на тешки облици на депресија кај пациентите кои веќе употребуваат некои антидепресиви и кај оние чиј организам не ги поднесува или одбиваат да ги користат.

Во Канада, депресијата годишно се регистрира кај милион жители, меѓу кои 250.000 се од Квебек.

А омега 3 киселините, за кои е познато дека се добри за срцето, можат да го подобрат расположението на луѓето, покажале резултатите од едно истражување, презентирани на состанокот на Американското психосоматско здружение, одржан во Денвер.

Истражувачите во Питсбург утврдиле дека волонтерите со намалено ниво на омега 3 незаситените масни киселини во крвта имаат негативен став за разлика од љубезните волонтери со високо ниво на омега 3 масните киселини во крвта.

Претходно направените студии ја проучувале поврзаноста на ниското ниво на омега 3 масните киселини и големите клинички значајни состојби, како што е депресивното нарушување, биполарното нарушување, шизофренијата, злоупотребата на дрогата и нарушеното внимание.

Истражувањата што ќе бидат направени во иднина треба да одговорат на прашањата дали консумирањето на храна како што е лососот кој е богат со омега 3 масните киселини ќе има влијание на расположението или за тоа ќе биде доволно да се земаат додатоци во исхраната базирани на рибино масло.

Утврдено е дека кантарионот ја лекува депресијата

Научниците откриле дека екстрактот од кантарион исто така е ефикасен во лекувањето на умерениот и посериозниот облик на депресија, како и вообичаените синтетички лекови.

Резултатите од едно истражување во Германија покажале дека екстрактот од кантарион е еднакво ефикасен како и лековите, и оти пациентите подобро го поднесуваат бидејќи нема несакани ефекти.

Кантарионот може неповолно да дејствува во комбинација со антибиотици, хормонска терапија и хемотерапија.

Екстрактите добиени од отпадоци при производството на чај речиси се исто толку богати со антиоксиданси како и екстрактите добиени од квалитетниот лист на чајот, соопштија иранските експерти.

Испитувањата спроведени во 3 ирански фабрики со користење на различни видови на суровини и различни методи на екстракција, покажале дека количеството на чајниот екстракт добиен од отпадоците при производството на црниот чај е само неколку проценти помал од оној добиен од листот на чајот со добар квалитет. Притоа, отпадоците се значително поевтини од квалитетниот лист на чајот.

Тој екстракт се користи во прехранбената индустрија, медицината и во производството на козметички средства.

 

>> | на почеток |

Во 2005-та речиси 92.000 жртви на природни катастрофи

Во природни непогоди во текот на 2005-та година ширум светот загинаа речиси 92.000, соопшти Меѓународната стратегија за намалување на катастрофи.

Честите суши, поплави и земјотреси, кои научниците ги опишуваат како последици на глобалното затоплување, во текот на минатата година погодиле 157 милиони луѓе, што е 7 милиони повеќе во однос на 2004-та.

Во спроведеното истражување, како што презентираше во ОН Меѓународната стратегија за намалување на катастрофи, се нагласува дека бројот на природни катастрофи во 2005-та во однос на претходната година е зголемен за една петтина.

Во тие катастрофи загинале вкупно 91.963 лица, што е значително помалку отколку во 2004-та, кога животот го загубиле 244.577 лица. Главна причина за големиот број на жртви пред 2 години беше цунамито што ја погоди Јужна Азија.

Најголемата катастрофа на планетата во 2005-та беше разорниот земјотрес во Пакистан, во кој загинаа повеќе од 80% од вкупните жртви во елементарните непогоди.

Според Салвано Бричено, директор на Меѓународната стратегија за намалување на катастрофите, порастот на природни непогоди ќе продолжи во иднина.

"Во иднина можеме да очекуваме пораст на природните катастрофи, што ќе биде последица на големите климатски промени. Ризикот од катастрофи расте, а повеќе не се на удар само предели во Индија или во Кина. Наредните години жителите во големите градови во развиените земји ќе бидат изложени на големи природни катастрофи", тврди Бричено, нагласувајќи оти сите земјите мораат да го сфатат ризикот од опасност и да инвестираат во приоритетни програми за да ја намалат својата ранливост.

Во извештајот се напоменува дека сушите и поплавите се многу помалку смртоносни од земјотресите и бурите.

Поместувањето на природните катастрофи кон урбаните средини во развиените земји ја зголеми и цената на нивните последици. Така, природните катастрофи во текот на 2005-та година направиле штета од 159 милијарди долари, што е за 71% повеќе од 2004-та. Најголема штета од 125 милијарди долари предизвика ураганот "Катрина".

 

>> | на почеток |

Американската држава Јута против теоријата за еволуција

Законодавната власт на американската држава Јута го отфрли предлог-законот според кој би се барало од учениците да учат дека теоријата за еволуција не е емпириски докажана, што е најнов удар за критичарите на оваа теорија.

Предлагачот, републиканскиот сенатор Крис Бутерс, истакна дека е време да се замолчат наставниците кои тврдат дека човекот настанал од мајмун, со што ја "нарушуваат вербата на студентите".

Сенатот во претходното гласање го прифати предлогот со 16 гласа, наспроти 12 кои беа против. Меѓутоа, предлогот со кој од наставниците би се барало на учениците да им зборуваат дека еволуцијата не е факт, како и дека државата не ја поддржува оваа теорија, е отфрлен во Претставничкиот дом со 46 гласа против.

Критичарите на еволуцијата ја добија поддршката во Канзас, кога државниот одбор за образование ги усвои новите стандарди во изучувањето на биологијата, кои еволуцијата ја сметаат за нормална теорија, без разлика на ставовите на некои научни групи.

 

>> | на почеток |

За монета од 9-от век повеќе од 520.000 евра

Британскиот музеј во Лондон платил 357.832 фунти (522 илјади евра) за монета од 9-от век за која се верува дека е најскапа што е досега продадена.

На монетата се наоѓа ликот на кралот Коенвулф од Мерсија кој управувал со голем дел од јужна Англија помеѓу 796-та и 821-ва година.

Златникот во 2001-ва година го пронашол еден Британец во Бедфордшир (северно од Лондон) со помош на детектор за метал.

Монетата, која досега била во сопственост на еден американски колекционер, има тежина од 4,25 грама и се смета за најстар примерок на златник кој бил во оптек во Англија.

Станува збор за еден од 8-те сочувани златници од саксонскиот период на англиската историја. Во Британскиот музеј, најголема институција од тој вид во Лондон, има 7 од овие златници.

 

>> | на почеток |

Љубов од Интернет со лош крај

Една Гркинка од Атина ги изгубила сите илузии за љубовта веднаш по слетувањето во Каиро, бидејќи нејзиниот додворувач, Египќанецот кого го запознала на Интернет, едноставно одбил средба со неа.

Веднаш по доаѓањето на Меѓународниот аеродром во Каиро, младата жена го повикала нејзиниот додворувач. Сакала да го изненади и лично да се запознаат. Но, тој не само што одбил да разговара и да дојде по неа на аеродром, туку го исклучил и мобилниот телефон.

Многу навредената Гркинка побарала помош од египетската полиција со цел со првиот лет да се врати во Атина.

Маж и жена од Јордан кои решиле да се сретнат по тримесечни "љубовни разговори" на Интернет биле шокирани кога откриле дека се всушност сопружници.

Аднан и неговата сопруга Сана, без да знаат дека разговараат меѓусебе, закажале состанок со своите "интернет љубовници", но биле вџашени кога наместо нив го сретнале својот брачен другар.

Средбата прераснала во кавга, а нивниот брак завршил со развод.

Судот во Лондон расправа за авторството на книгата "Кодот на Да Винчи"

Пред Високиот суд во Лондон почна расправата околу авторството на светскиот книжевен бестселер "Кодот на Да Винчи" на писателот Ден Браун.

Како што јави дописникот на МИА од Лондон, двајца британски автори-истражувачи го обвинуваат Браун дека со својата книга извршил "канибализација" на нивното истражување, објавено во една книга-студија уште пред 20 години.

Мајкл Бенгент и Ричард Ли тврдат дека Ден Браун "направил плагијат на нивното видување" за Исус Христос, според кое тој не умрел распнат на крст, туку дека се оженил со Марија Магдалена и имал дете, како и тоа дека бил заштитен од витешкиот ред на Темпларите. Според британските автори, и Браун во својата книга трилер "Кодот на Да Винчи" зборува за тоа дека Исус се оженил со Марија, создал семејство и живеел во Франција, каде што потомците се уште постојат.

Британците сега тврдат дека Браун во својот роман ја зел од нив основата за градење на својата книга, па затоа бараат "милионска отштета" од "големиот профит" што писателот го има добиено со продажбата на 40 милиони примероци од овој роман. Адвокатите на Браун велат дека во случајот нема плагијат и дека тезата која ја разработуваат Бенгент и Ли не е само нивна.

Меѓутоа, самиот Ден Браун во романот еден лик нарекол сер Ли Тибинг, а за кого експертите тврдат дека е анаграм од оригиналната верзија на името на Бенгент.

Судскиот процес е значаен и затоа што може да ги постави идните принципи за тоа колкава ќе биде слободата на писателите при користењето на истражувањата на други автори кои не прават романи туку студии и истражувања. Постои страв дека ако судењето пред лондонскиот Висок суд се оддолжи може да ја блокира и премиерата на филмот што е веќе снимен според романот-бестселер на Ден Браун "Кодот на Да Винчи".

Јавното и приватното (извадок)

Модерното сфаќање на човековите права потекнува од спротивставувањето на природата и културата. Какви да се навиките и обичаите на општеството, секое лице има определени основни права, без оглед како инаку блиско и неповолно биле сместени во рамките на тие културни уредувања.

Кои се тие права? Ги имаме нивните две клишетирани формулации, обете од 18-от век: живот, слобода и барање на среќата; слобода, еднаквост и братство. Помеѓу тие права е полесно да се расправа за животот, за слободата или еднаквоста, отколку за барањето на среќата или братството; последните се чинат речиси прикачени како добри последици на онаа прва група, а не подеднакви на темелните права.

Сфаќањето дека човечките сушества имаат право да бидат среќни е особено модерна, западна мисла. Во општества со голема сиромаштија, строга хиерархија или силни религиозни страсти психичкото задоволување може да има мало значење како цел по себе.

Колку спротивставеноста помеѓу природата и културата станувала поопиплива со спротивставеностите на приватното и јавното, толку повеќе семејството се сметало за природна појава. Семејството станувало "седиште на природата", а не институција како улица или театар.

Тоа е причината што на психичкиот сообраќај во семејството се гледало на начин кој денес би го нарекле безличен и апстрактен. Психологијата како наука се засноваше на природната таксономија-тоест на класификацијата на однесувањето на различните видови-а не на физиологијата. Тие сочувствувања им беа заеднички на сите луѓе; се искажуваа во седиштето на природата, во семејството...Приватната област требаше да ја кочи јавната во однос на досегот на контролата на конвенционалните, произволните правила на експресијата над целината на посебната смисла на стварноста; надвор од тие граници лицето имало живот и форма на самоизразување, како и збир на права кои никаква конвенција не може да ги поништи со наредба. Меѓутоа, јавната област исто така ја исправуваше приватната. Природниот човек беше животно; јавноста поради тоа го исправуваше недостатокот на природата кој би произвел живот воден само според правилата на семејната љубов: тој недостаток беше простаклукот. Ако неправдата беше грев на културата, гревот на природата беше нејзината грубост.

Второто предупредување се однесува на јазикот. Баш како што јавноста беше појава што се развива, вообличувајќи се со време, таква беше и приватноста. За семејството мошне постапно почна да се мисли како за посебна институција. Ние за јавното и приватното зборуваме како за фиксирани состојби оти така полесно ги оцртуваме. Всушност, тоа беа сложени развојни синцири.

Екипажот на МВС двојно ќе се зголеми за 3 години

Постојаниот екипаж на Меѓународната вселенска станица (МВС) до 2009-та година ќе има 6-мина наместо сегашните тројца астронаути, соопшти раководителот на Роскосмос, Анатолиј Перминов.

Тој посочи дека договор за зголемување на бројот на членовите на екипажот на орбиталната станица бил постигнат помеѓу партнерите кои учествуваат во програмата за изградба на МВС на неодамна одржаниот состанок во САД. Астронаутите на МВС ќе бидат испратени со руските бродови од типот "Сојуз".

"Астронаутската смена, како и досега, ќе трае 6 месеци", истакна Перминов. Според планот, кон крајот на деценијата целосно ќе биде завршена изградбата на орбиталната станица.

9 месеци по летот на "Дискавери", Американската агенција за вселенски истражувања (НАСА) соопшти дека во мај годинава планира повторно да испрати спејс шатл во вселената.

Во составот на екипажот на вселенскиот брод ќе бидат 2 жени и 4-ца мажи. Леталото ќе лета до Меѓународната вселенска станица каде што ќе остави еден астронаут и залихи за екипажот кој престојува на станицата, се наведува во соопштението на НАСА.

Лансирањето на вселенскиот брод ќе биде извршено од космодромот Кејп Канаверал на Флорида.

Властите во САД можат до 2008-ма година да одобрат комерцијални туристички летови во вселената, соопшти американскиот министер за сообраќај Норман Минета.

Компанијата "Вирџин галактик" во декември минатата година соопшти дека во 2010-та ќе го лансира својот прв туристички вселенски брод од базата чија изградба почнува годинава во југозападниот дел на САД.

 

>> | на почеток |

Движете се додека работите

"Движете се додека работите" е насловот на студијата на ендокринолозите и специјалистите за дебелина на американската клиника "Мејо", објавени во списанието "Science" која открива дека работното место може да биде во служба на здравјето доколку стане место за движење, дури и за време на деловни состаноци.

Тргнувајќи од фактот дека луѓето секој ден извршуваат разни работи и согоруваат во просек 800 калории на ден кога се непрекинато во движење, доктор Џејмс Левин проектирал канцеларии опремени со подвижни ленти, така што вработените не мора веќе да седат на столица, што е еден од факторите кој придонесува за дебелина, туку можат да се движат, дури и кога имаат состанок.

Поддржувач на идејата "движете се додека работите" е и претседателот на фирмата "Лансет софтвер" од Минесота, Томас Никам, кој во својата канцеларија на почетокот од годинава инсталирал подвижна лента. Тој проценил дека оттогаш поминал околу 200 километри и изгубил 2,27 килограми без диета.

Јапонската Влада планира да поднесе предлог закон со кој претпријатијата од приватниот сектор ќе мора задолжително да ги испраќаат вработените на годишен одмор.

Согласно законскиот предлог, кој треба да се најде во јапонскиот Парламент во 2007-ма година, приватните претријатија ќе бидат должни на почетокот од фискалната година да состават план за годишен одмор за сите вработени.

Претпријатијата ќе бидат повикани и да ги поттикнуваат своите работници да заминат на годишен одмор.

Со оглед на традицијата и брзиот ритам на работење во јапонските фирми, вработените досега, во просек, најчесто користеле помалку од половина од 18-дневниот годишен одмор.

"Впечаток е дека нашите луѓе недоволно се одмораат. Луѓето треба да се одвикнат премногу да работат со цел да воспотават рамнотежа помеѓу професионалниот и семејниот живот", изјави еден претставник на јапонското Министерство за здравје, труд и социјални прашања.

 

>> | на почеток |

Роза Берлускони: Силвио е богат, но има добро срце

Италијанскиот премиер Силвио Берлускони беше интелигентно и добро дете кое првите пари ги заработи пишувајќи и продавајќи им ги задачите на богатите, но помалку паметни деца, а им ги подаруваше само на сиромашните, истакна неговата мајка, 95-годишната Роза Боси Берлускони.

Таа во интервју за весникот "Џорнале", чиј сопственик е другиот нејзин син Паоло, истакна дека половина од Италијанците го сакаат Силвио, а другата половина од нив го мразат. "Можеби го мразат бидејќи е богат. Тој нема ништо од своето тешко стекнато богатство. Работи како роб од утро до вечер, а за возврат добива само навреди", посочи Роза Боси Берлускони. Таа додаде дека нејзиниот син, чие богатство се проценува на 12 милијарди долари, платата ја дава во хуманитарни цели и оти од својот џеб го платил реновирањето на канцеларијата каде што работи. Единствена забелешка што му ја упатува на Берлускони е оти на неговите телевизиски канали од синџирот Медиасет има многу сцени со голи жени. "Сакам тоа да не го емитуваат", рече Роза Боси Берлускони.

 

>> | на почеток |

Ролинг Стоунси најдобри платени музичари во САД во 2005-та година

Со заработка од 168 милиони долари од продадени билети за концерти и ЦД-а, ветераните Ролинг Стоунси се најдобро платени музичари во САД во 2005-та година, објави магазинот "Форбс".

Ирските рокери Ју-Ту се на второто место со заработка од 150 милиони долари, а по нив следува кантри пејачот Кени Чесни со 110 милиони.

Панкерите Грин Деј се четври на листата на магазинот со "само" 99 милиони долари, додека Иглси и Пол Макартни заработија по 84 м,илиони односно 83 милиони долари. Селин Дион е седма со заработка од 81 милион долари, додека "тазе" свршеникот Елтон Џон е 10-ти со 66 милиони долари.

Фронтменот на славната британска рок група "Ролинг Стоунс" Мик Џегер е виден во друштво на неговиот бразилски син кого го посетил во неговото училиште во Сао Паоло.

Средбата се случила 2 дена по величенствениот концерт што ветераните на рокот бесплатно го приредија за милион фанови на познатата плажа на бразилската Копакабана во Рио де Жанеиро.

Мајка на најмладото дете на Џегер, 6-годишниот Лукас, е поранешната бразилска манекенка Лусијана Жименеш која работи како телевизиска водителка.

Лукас оди во ексклузивно британско училиште во една од најелитните области на Сао Паоло.

За концертот на групата Ролингстоунс во Мелбурн 13.000 влезници се продадени за 15 минути.

За концерт на Олимпискиот стадион во Сиднеј во еден ден се продадени 40.000 влезници.

Членовите на групата ќе одржат само 2 концерти во Австралија во рамките на нивната светска турнеја. Тие ќе имаат и 2 настапа во Нов Зеланд.

"Ролингстоунс" во април ќе го одржи својот прв концерт во Кина, 3 години по откажувањето на нивните настапи во таа земја поради епидемијата на Сарс, соопшти претставникот за печат на бендот.

Рокерите на 8-ми април ќе настапат на Гранд стејџ стадионот во Шангај кој има 80.000 места.

"Ролингстоунс" во 2003-та година имаа закажани настапи во Пекинг и Шангај, но тие беа откажани поради ширењето на опасниот респираторен вирус, познат како Сарс.

Бендот на 4-ти април ќе настапи во јапонскиот град Нагоја, а на 11-ти април во Сиднеј, Австралија.

 

>> | на почеток |

Позамашен дел од парите од продажбата на ЕСМ Дистрибуција предвидени за "лаптопозација" на целокупната ни власт.

Откако ќе заврши овој процес на модернизација на извршната, следуваат законодавната (дел е во тек) и судската (по довршувањето на реформата на Мери).

Сосема очекувано, воопшто неизненадувачко, според некои од нас се уште непроверени информации, лаптоповите, секој по цирка околу 1.500 евра (бруто), се набавуваат преку фирмата "СЕМОС" која на интерен тендер (во круговите на власта) понудила најдобри услови од сите заинтересирани. Еден од нив-условите, кој бил најинтересен, неопходен и, се разбира, решавачки да се прифати токму овој продавач на компјутерско-лаптоповска фирма, е бесплатна обука на секој "лаптопџија", и тоа со неограничено времетраење (со оглед на капацитетот и талентот за учење, а пред се за разбирање на информатичкото општество на грото во власта).

За жал, се уште не сме во можност да ви соопштиме конкретно за колкава зделка се работи, изразена во сума на пари, но со малку поголем напор можете и сами да пресметате ако ги ставите пред себе (нема да ви биде тешко) сите нивоа на законодавната, извршната и судската власт односно јавната администрација.

Она за што со сигурност можеме да ве известиме е дека многу скоро, по примерот на Владата на Бучковски, и нашиот Парламент ќе почне да ги одржува седниците во неколку општини во Македонија, односно надвор од Скопје. Целта е до парламентарните избори и тој да му се доближи (се мисли на пратениците) што повеќе до народот односно гласачкото тело. Деновиве се очекува да приврши набавката на 120 (и кусур) лаптопови, па реално можеме да очекуваме веќе на почетокот или средината од идниот месец да се одржи првата седница во некоја од единиците на локалната самоуправа надвор од Град Скопје. Се разбира, со оглед на бројноста на нашиот Парламентот, во прво време не ќе може во која било, туку изборот е во тек и во најтеснниот круг се оние во кои има макар и кино сали со едно 150-160 седишта. Не мора да има и тркалезни маси, со оглед на мобилноста на лаптоповите односно можноста да се стават на колена и непречено да се учествува во дебатата односно гласањето, па и читањето на материјалите што претходно службите на власта ќе ги стават во нив со помош на специјалната програма за материјали подготвена од страна на програмерите на интертендерскиот победник.

 

>> | на почеток |